Հաճախ տրվող հարցեր

Համաձայն գործող իրավակարգավորումների՝ շահառու կարող է դառնալ նաև զինծառայողի զոհվելուց հետո ծնված երեխան, եթե օրենքով նախատեսված կարգով հաստատվում է ծնված երեխայի՝ զոհված զինծառայողից սերված լինելը։ Այս դեպքում ներկայացվում են երեխայի հայրությունը որոշելու վերաբերյալ փաստաթղթեր (դատական ակտ կամ հայրության որոշման վկայական կամ ծննդյան վկայական կամ այլ փաստաթուղթ):

Յուրաքանչյուր անձ կարող է օժանդակել Հիմնադրամին՝ կատարելով նվիրաբերություն:

Նվիրաբերություն կարելի է կատարել.

• Հիմնադրամի կայքի միջոցով
• Կատարելով բանկային փոխանցում 

Պարտադիր դրոշմանիշային վճարը Հայաստանում աշխատող յուրաքանչյուր անձի կողմից պետական բյուջե փոխանցվող պարտադիր վճարն է: 2021թվականի հունվարից  պարտադիր դրոշմանիշային վճարի համար սամանվել է պրոգրեսիվ սանդղակ, որի համաձայն կախված եկամտի չափից՝ վարձու աշխատողները, անհատ ձեռներեցները կվճարեն 1500-ից մինչև 15 000 դրամի չափով դրոշմանիշային վճար:

 Պարտադիր դրոշմանիշային վճարը գանձվում է զինծառայողների կյանքին և առողջությանը պատճառված վնասը հատուցելու նպատակով: 

Տեղեկանալու համար թե ովքեր են պարտավոր վճարել Դրոշմանիշային վճարը, ինչպես նաև՝ որ դեպքերում են պարտադիր դրոշմանիշային վճարները ենթակա վերադարձման կարող եք այցելել «Պարտադիր վճարեր» էջը:  

Պարդատիր դրոշմանիշային վճարները Կենտրոնական գանձապետարանում բացված համապատասխան հաշվին փոխանցելու է Ձեր գործատուն՝ Ձեր աշխատավարձից կատարելով համապատասխան չափով պահում:

Հայաստանի Հանրապետությունում հաշվառված և ձեռնարկատիրական գործունեություն իրականացնող անհատ ձեռնարկատերերը,նոտարները և հարկային գործակալ չհամարվող անձից եկամուտ ստացող անձինք պարտավոր են դրոշմանիշային վճարը Կենտրոնական գանձապետարանում բացված համապատասխան հաշվին փոխանցել ինքնուրույն:

Պարտադիր դրոշմանիշային վճարները պետք է փոխանցվեն Ֆինանսների նախարարության կողմից Կենտրոնական Գանձապետարանում բացված 900005001186 «Դրոշմանիշային վճարներ» հաշվեհամարին: Որպես ստացող պետք է նշել Պետական Եկամուտների Կոմիտեն, իսկ նպատակ դաշտում պետք է նշել ՝ «Զինծառայողների Ապահովագրության Հիմնադրամ»:

Պարտադիր վճարումների իրականացման կարգի և պայմանների մասին ավելի մանրամասն կարելի է ծանոթանալ այստեղ:

Ոչ, դրոշմանիշային վճարը վճարելիս որեւէ հաշվետվություն չի պահանջվում:

Այո, կարող եք։ Անհրաժեշտ է կապ հաստատել Զանգերի կենտրոնի հետ։ 

Թերի փաստաթղթերը կարող եք ուղարկել նաև 093 665 993 համարին կցված Viber հավելվածի միջոցով։

Անհատ ձեռնարկատերերի և նոտարների համար հաշվետու ժամանակաշրջան է համարվում օրացուցային տարին և ոչ ամիսը:

Այն անհատ ձեռնարկատերերը, որոնք հաշվետու տարվա ընթացքում եկամուտներ չեն ստացել չեն վճարում դրոշմանիշային վճար:

Երբ Ա/Ձ-ն չի կատարում օրենքով սահմանված ողջ պարտավորությունը ապա Օրենքի համաձայն հարկային մարմինը որոշում է կայացնում դրոշմանիշային վճար վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում դրոշմանիշային վճար վճարողին (հարկային գործակալին): Մինչև գումարի գանձման վերաբերյալ որոշման անբողոքարկելի դառնալը պարտավոր անձի գույքի վրա հարկային մարմինը կարող է դնել արգելանք կամ կիրառել սահմանափակում՝ Հայաստանի Հանրապետության հարկային օրենսգրքով սահմանված դեպքերում և կարգով:

Մեկից ավելի գործատուի մոտ աշխատող անձը, դրոշմանիշային վճարներ է վճարում բոլոր գործատուների մոտ:

Մանրամասները տեսնել այստեղ:

“Նվազագույն ամսական աշխատավարձի մասին” ՀՀ օրենքով սահմանված ամսական նվազագույն աշխատավարձը չգերազանցող աշխատավարձ ստացող անձինք դրոշմանիշային վճար չեն կատարում: Այդ անձանց փոխարեն վճարներ են կատարում դրանց գործատուները:

 “Նվազագույն ամսական աշխատավարձի մասին” ՀՀ օրենքով սահմանված է նաև ժամավճարով աշխատող անձանց վճարման ենթակա մեկ ժամվա համար նվազագույն վարձատրության չափ: Եթե ժամավճարով աշխատող անձը մեկ ժամվա համար ստանում է այդ չափը գերազանցող գումար, ապա դրոշմանիշային վճարը վճարում է ինքնուրույն` անկախ ամսվա ընթացքում փաստացի ստացվող գումարի չափից: Հակառակ դեպքում, դրոշմանիշային վճարը կատարում է գործատուն:

Մանրամասները՝ այստեղ:

Այո, զինծառայողների ընտանիքների անդամները պարտավոր են վճարել դրոշմանիշային վճարը, սակայն կարող են դիմել վերադարձի համար:

Մանրամասները տեսնել այստեղ: