ԶԻՆԱՊԱՀԻ միջոցով հատուցվում է Հայրենիքի պաշտպանության մարտական գործողություններին մասնակցելու կամ հակառակորդի հետ շփման գծում մարտական հերթապահության կամ հատուկ առաջադրանք կատարելու ժամանակ կամ հակառակորդի նախահարձակ գործողության հետևանքով զինծառայողների կյանքին կամ առողջությանը պատճառված վնասների դեպքում հետևյալ անձանց․

• զոհված կամ անհայնտ բացակայող ճանաչվելու դեպքում՝ ընտանիքի անմիջական անդամներին՝ հայր, մայր, գրանցված կամ չգրանցված կին կամ ամուսին, երեխաներ
• 1-ին և 2-րդ խմբի զինհաշմանդամություն ունեցող անձանց

Զինծառայողի զոհվելու կամ անհայտ բացակայող ճանաչվելու դեպքում շահառու են համարվում․

• զինծառայողի ամուսինը զավակը/զավակները ծնողը/ծնողները հատուցման դեպքը տեղի ունենալու օրվա դրությամբ՝ 18 տարին չլրացած կամ անգործունակ ճանաչված կամ մինչև 23 տարեկան առկա ցերեկային ուսուցմամբ սովորող ուսանող քույրը և եղբայրը, ինչպես նաև զինծառայողի խնամքի տակ գտնված 18 տարեկան և դրանից բարձր տարիքի հաշմանդամ քույրը և եղբայրը, եթե հաշմանդամ են ճանաչվել մինչև 18 տարին լրանալը:

Ընդ որում, քույրը և եղբայրը համարվում են շահառու, եթե նրանց ծնողները կամ միակ ծնողը մահացած են կամ ունեն աշխատանքային գործունեությամբ զբաղվելու կարողության առնվազն երրորդ աստիճանի սահմանափակում։

• Զինծառայողի հետ գրանցված ամուսնության մեջ չգտնվող և համատեղ զավակ ունեցող անձը:
• Զինծառայողից ամուսնալուծված, սակայն համատեղ զավակ ունեցող անձը չի համարվում շահառու:
• Վերոնշյալ կետերում սահմանված շահառուների բացակայության դեպքում շահառու է համարվում հատուցման դեպքը տեղի ունենալու օրվա դրությամբ այն անձը, ով եղել է զինծառայողի խնամքի տակ և ունեցել է հաշմանդամություն կամ աշխատանքային կենսաթոշակի իրավունք. խնամել է զինծառայողին մինչև նրա 18 տարին լրանալը:
• Վերոնշյալ բոլոր շահառուների բացակայության դեպքում շահառու են համարվում նաև զինծառայողի եղբայրը և քույրը, եթե տվյալ զինծառայողների մասով նախկինում որևէ այլ շահառու գումար չի ստացել:

Ոչ, նման ժամկետ սահմանված չէ։

Հաշմանդամություն ունեցող զինծառայողը կամ զոհված, անհայտ բացակայող ճանաչված զինծառայողի ընտանիքի անդամը կարող է դիմել ԶԻՆԱՊԱՀԻ շահառու ճանաչվելու նպատակով՝ անկախ դեպքը տեղի ունենալուց հետո անցած ժամկետից։

ԶԻՆԱՊԱՀԻ շահառու ճանաչվելու համար համապատասխան պետական մարմնին է ներկայացվում․

• սահմանված ձևի դիմում (լրացվում է տեղում)․
• զինծառայողին հաշմանդամ ճանաչելու մասին տեղեկանքն ու ստացած վնասվածքի կամ խեղման պատճառական կապի մասին համապատասխան պետական մարմնի կենտրոնական ռազմաբժշկական հանձնաժողովի որոշումը.
• մահվան պատճառական կապի մասին բժշկասոցիալական փորձաքննություն իրականացնող իրավասու պետական մարմնի տված տեղեկանքը` մարտական գործողությունների ժամանակ ստացած վնասվածքի կամ խեղման պատճառով զինծառայողի մահացած լինելու վերաբերյալ.
• զինծառայողին անհայտ բացակայող ճանաչվելու վերաբերյալ դատական ակտը.
• հաշմանդամություն ունեցող զինծառայողի կամ օրենքով սահմանված շահառու հանդիսացող անձանց անձնագրերը (կամ նույնականացման քարտը).
• օրենքով սահմանված շահառու հանդիսանալու հանգամանքը հաստատող այլ փաստաթղթեր` ամուսնության (ամուսնալուծության), ծննդյան կամ մահվան վկայականները, դատական ակտերը, տեղեկանքները և այլն։

Ընդ որում, դիմումը ստորագրում է շահառուն անձամբ կամ շահառուի լիազորած անձը՝ լիազորագրի առկայության դեպքում։

Շահառու ճանաչվելու համար անհրաժեշտ փաստաթղթերի ցանկը սահմանված է ՀՀ կառավարության 2017թ․ փետրվարի 2-ի 86-Ն որոշմամբ։

Հաշմանդամություն ունեցող զինծառայողը կամ զոհված (անհայտ բացակայող ճանաչված) զինծառայողի ընտանիքի անդամը ԶԻՆԱՊԱՀԻ շահառու ճանաչվելու համար դիմում է այն համապատասխան պետական մարմնին, որտեղ զինծառայողը ծառայել է՝

• ՀՀ պաշտպանության նախարարություն
• ՀՀ ազգային անվտանգության ծառայություն
• ՀՀ ներքին գործերի նախարարություն

Համապատասխան պետական մարմինը մեկամսյա ժամկետում որոշում է տվյալ դեպքով շահառուների շրջանակը, վճարման ենթակա գումարները և զինծառայողի դիմում փաթեթը ներկայացնում է ԶԻՆԱՊԱՀԻՆ՝ վճարում կատարելու համար։

ԶԻՆԱՊԱՀԸ 3 աշխատանքային օրվա ընթացքում ուսումնասիրում է ներկայացված դիմում փաթեթներում թերությունների և/կամ անճշտությունների առկայությունը։ Հայտնաբերելու դեպքում այդ մասին տեղեկացնում է համապատասխան պետական մարմնին շտկումներ կատարելու համար։ Այն դեպքում, երբ դիմում փաթեթն ամբողջական է և առանց թերությունների, ԶԻՆԱՊԱՀԸ գործընկեր բանկերում շահառուների անվամբ բացում է բանկային հատուկ հաշիվներ և միանվագ գումարը, ինչպես նաև ամսական հատուցման առաջին վճարման գումարը փոխանցում է այդ հաշիվներին։

Երբ մարտական գործողություններում ստացված վնասվածքների հետևանքով առաջացած մտավոր կամ հոգեկան անկարողության հետևանքով զինծառայողը չի կարող ներկայացնել համապատասխան դիմում, ապա հատուցման գումարը ստանալու համար դիմում են զինծառայողի ընտանիքի անդամները և հատուցման գումարը վճարվում է զինծառայողի ընտանիքի անդամներին՝ համաձայն զոհված զինծառայողների համար նախատեսված կարգի:

Եթե պարզվում է, որ զոհված կամ անհայտ բացակայող ճանաչված զինծառայողի ընտանիքի անդամներից (պոտենցիալ շահառուներից) մեկը ՀՀ-ում չէ կամ այլ պատճառով չի կարող անձամբ ստորագրել դիմումը կամ ունի փաստաթղթային խնդիր (օրինակ` չի կարողանում ներկայացնել շահառու լինելու հանգամանքը հաստատող փաստաթուղթ), ապա ԶԻՆԱՊԱՀԸ վճարում է հատուցման գումարների մյուս շահառուների մասնաբաժինը՝ 6-ամսյա ժամկետով կասեցնելով ընտանիքի այդ անդամի վճարման ենթակա գումարի վճարումը։

Վերը նշված 6-ամսյա ժամկետում անհրաժեշտ փաստաթղթերը չներկայացնելու (դիմումը չստորագրելու) դեպքում ընտանիքի այդ անդամի վճարման ենթակա գումարը հավասարաչափ բաժանվում է (վերաբաշխվում է) մնացած շահառուների միջև։

Նույն ընթացակարգն է գործում նաև այն դեպքում, երբ դատական կարգով վիճարկվում է զինծառայողի ընտանքի անդամի՝ հատուցում ստանալու իրավունքը։ Ընդ որում, այս դեպքում ընտանիքի այդ անդամի վճարման ենթակա գումարը կասեցվում է մինչև դատական ակտի օրինական ուժի մեջ մտնելը։

Համաձայն գործող իրավակարգավորումների՝ շահառու կարող է դառնալ նաև զինծառայողի զոհվելուց հետո ծնված երեխան, եթե օրենքով նախատեսված կարգով հաստատվում է ծնված երեխայի՝ զոհված զինծառայողից սերված լինելը։ Այս դեպքում ներկայացվում են երեխայի հայրությունը որոշելու վերաբերյալ փաստաթղթեր (դատական ակտ կամ հայրության որոշման վկայական կամ ծննդյան վկայական կամ այլ փաստաթուղթ)։

Այո, կարող եք։ Անհրաժեշտ է կապ հաստատել ԶԻՆԱՊԱՀԻ զանգերի կենտրոնի հետ 012 55 10 55 համարով։ Փաստաթղթերը կարող եք ուղարկել նաև 093 665 993 համարին կցված Viber հավելվածի միջոցով։

Յուրաքանչյուր շահառուին վճարման ենթակա՝ միանվագ վճարվող գումարի չափը և ամսական հավասար վճարի չափը որոշվում է, համապատասխանաբար, հատուցման միանվագ վճարվող գումարը և ամսական հավասար վճարը բոլոր շահառուների թվի վրա բաժանելու միջոցով։ Երեք և ավելի երեխայի (անչափահաս կամ մինչև 23 տարեկան ուսանող զավակի) դեպքում տրվող լրացուցիչ գումարը վճարվում է բացառապես այդ գումարի իրավունք ունեցող երեխաներին։ Ըստ այդմ, յուրաքանչյուր երեխային (անչափահաս կամ մինչև 23 տարեկան ուսանող զավակի) վճարման ենթակա լրացուցիչ գումարի չափը որոշվում է, լրացուցիչ գումարը՝ 100,000 դրամը լրացուցիչ գումարի իրավունք ունեցող բոլոր երեխաների և զավակների թվի վրա բաժանելու միջոցով։

Հատուցման ողջ գումարից միանվագ վճարվում է․ 

• 10 միլիոն ՀՀ դրամ՝ զոհված և անհայտ բացակայող զինծառայողի ընտանիքի անդամներին
• 5 միլիոն ՀՀ դրամ՝ զինհաշմանդամության 1-ին և 2-րդ խմբի զինծառայողներին

Հասանելիք գումարի մնացորդը հատուցվում է ամսական հավասար վճարներով 20 տարվա ընթացքում ԶԻՆԱՊԱՀԻ կողմից բացված հատուկ բանկային հաշիվներին։ 

Իրականում գործող կառուցակարգերն ունեն մեկ հիմնական նպատակ՝ բացառել տարբերությունները 2008-2016թթ․ տեղի ունեցած և 2017թ․ հունվարի 1-ից հետո տեղի ունեցած դեպքերով վճարվող ամսական գումարների (չափերի) միջև։

Եթե դեպքը տեղի է ունեցել 2017թ․ հունվարի 1-ից հետո, ապա հաշմանդամություն ունեցող զինծառայողին կամ զոհված, անհայտ բացակայող ճանաչված զինծառայողի ընտանիքի անդամին պետական բյուջեից համապատասխան կենսաթոշակներ ու պարգևավճարներ չեն վճարվում։ Իսկ եթե դեպքը տեղի է ունեցել 2008-2016թթ․, ապա հաշմանդամություն ունեցող զինծառայողին կամ զոհված, անհայտ բացակայող ճանաչված զինծառայողի ընտանիքի անդամին պետական բյուջեից վճարվում են համապատասխան կենսաթոշակներ ու պարգևավճարներ։

Ըստ այդմ, եթե դեպքը տեղի է ունեցել 2008-2016թթ․, ապա հաշվի են առնվում այն կենսաթոշակներն ու պարգևավճարները, որոնք տրվում են՝ ելնելով կարգավիճակից (այսինքն, այն գումարները, որ տրվում են մարտական գործողությունների հետևանքով հաշմանդամություն ձեռք բերած զինծառայողներին, զոհված կամ անհայտ բացակայող ճանաչված զինծառայողների ընտանիքների անդամներին)։

2008-2016թթ․ տեղի ունեցած դեպքերով ամսական հավասար վճարի և պետական բյուջեից վճարվող կենսաթոշակների ու պարգևավճարների տարբերության չափով վճարումը նպատակ ունի ապահովել ԶԻՆԱՊԱՀԻ առաջնային սկզբունքներից մեկը՝ հավասար ֆինանսական հատուցումների տրամադրումը բոլոր շահառուներին։ Հակառակ դեպքում կունենանք մի իրավիճակ, երբ 2008-2016թթ․ տեղի ունեցած դեպքերով հաշմանդամություն ունեցող զինծառայողին կամ զոհված, անհայտ բացակայող ճանաչված զինծառայողի ընտանիքին տրվող ամսական գումարը կգերազանցի 2017թ․ հունվարի 1-ից հետո տեղի ունեցած դեպքերով տրվող ամսական հավասար վճարի չափը (քանի որ վերջինները չեն ստանում Պետական բյուջեից վճարվող կենսաթոշակներն ու պարգևավճարները)։

Յուրաքանչյուր շահառուին վճարվող միանվագ և ամսական հատուցման գումարի չափը որոշվում է միանվագ և ամսական հատուցման գումարները հավասարապես բոլոր շահառուների թվի վրա բաժանելու միջոցով։

Երեք և ավելի երեխայի (անչափահաս կամ մինչև 23 տարեկան ուսանող զավակի) դեպքում տրվող լրացուցիչ 100,000 ՀՀ դրամ գումարը վճարվում է բացառապես այդ գումարի իրավունք ունեցող երեխաներին։ Ըստ այդմ, յուրաքանչյուր երեխային վճարման ենթակա լրացուցիչ գումարի չափը որոշվում է լրացուցիչ գումարը իրավասու բոլոր երեխաների թվի վրա բաժանելու միջոցով։

Հատուցման գումարները վճարվում են անձամբ շահառուին կամ շահառուի համաձայնությամբ այլ շահառուի միջոցով։

Անչափահաս (անգործունակ) շահառուի գումարները վճարվում են նրա օրինական ներկայացուցչի (ծնողի, որդեգրողի, հոգաբարձուի կամ խնամակալի) միջոցով, կամ օրինական ներկայացուցչի համաձայնությամբ՝ այլ շահառուի միջոցով։

Միանվագ գումարը, ինչպես նաև ամսական հավասար առաջին վճարման գումարը ԶԻՆԱՊԱՀԸ շահառուի (կամ օրինական ներկայացուցչի) բանկային հաշվին է փոխանցում շահառու ճանաչելու վերաբերյալ նիստից հետո 3 աշխատանքային օրվա ընթացքում։ Ամսական հավասարաչափ վճարումը շահառուի (կամ օրինական ներկայացուցչի) բանկային հաշվին է փոխանցում տվյալ ամսվա ընթացքում՝ ըստ ԶԻՆԱՊԱՀԻ վճարման գրաֆիկի ընթացիկ ամսվա 10-ին։ Շահառուն իրավունք ունի ցանկացած պահի դիմել ԶԻՆԱՊԱՀԻՆ՝ հատուցման գումարի իր մասնաբաժինը անձամբ իրեն վճարելու համար։

Անչափահաս (անգործունակ) շահառուի դպքում այդ դիմումը ներկայացնում է օրինական ներկայացուցիչը։ Դիմումը ներակայցվում է համապատասխան պետական մարմին, որտեղ ծառայել է զինծառայողը, կամ ԶԻՆԱՊԱՀԻՆ։ Ընդ որում, այս դեպքում հատուցման գումարը նոր դիմումի համաձայն վճարվում է այդ դիմումը ԶԻՆԱՊԱՀԻ ներկայացնելու ամսվան հաջորդող ամսվանից։

Մարտական գործողությունների հետևանքով 1-ին և 2-րդ խմբի զինհաշմանդամություն ձեռք բերած զինծառայողի շահառուի մահվան դեպքում այդ զինծառայողի`վճարման ենթակա հատուցման գումար ստանալու իրավունքը չի ներառվում ժառանգական զանգվածի մեջ և դադարում է:

Մարտական գործողությունների հետևանքով զոհված, անհայտ բացակայող ճանաչված զինծառայողի ընտանիքի անդամի՝ շահառուի մահվան դեպքում այդ անձին վճարման ենթակա հատուցման գումարը չի ներառվում ժառանգական զանգվածի մեջ․ այն հավասարաչափ բաժանվում/վերաբաշխվում է մնացած շահառուների միջև:

Ընդ որում, ԶԻՆԱՊԱՀԸ ինքնաշխատ եղանակով ՔԿԱԳ մարմիններից ստանում է շահառուների մահվան վերաբերյալ տեղեկատվությունը։ Հետևաբար շահառուի մահվան վկայականը ԶԻՆԱՊԱՀԻՆ ներկայացնելու անհրաժեշտություն չկա։

2024թ․ օգոտսոսին փոփոխություն է կատարվել ԶԻՆԱՊԱՀԸ կարգավորող օրենքում, որի արդյունքում ԶԻՆԱՊԱՀԻ՝ երբևէ 1-ին կամ 2-րդ խմբի կամ ֆունկցիոնալության խորը կամ ծանր սահմանափակման աստիճան ունեցող շահառուն, ում զինհաշմանդամության խումբը փոփոխվել է, կշարունակի ստանալ ԶԻՆԱՊԱՀԻ շահառու դառնալու պահին իրեն նշանակված հատուցման ամսական գումարը՝ անկախ կարգի փոփոխությունից։

Օրենսդրական փոփոխության վերաբերյալ մանրամասներ։

Հատուցման գումարները վճարվում են բացառապես ԶԻՆԱՊԱՀԻ գործընկեր բանկերում շահառուի կամ նրա օրինական ներկայացուցչի անունով բացված հատուկ բանկային հաշիվների միջոցով։

Հատուկ բանկային հաշիվների առանձնահատկությունը կայանում է նրանում, որ այդ հաշվին մուտքագրված (առկա) միջոցները չեն կարող գրավադրվել կամ արգելանքի տակ դրվել, բռնագանձվել կամ հաշվանցվել հաճախորդի պարտավորությունների դիմաց: Այսինքն՝ որևէ մարմին կամ կազմակերպություն որևէ կերպ չի կարող սահմանափակվել շահառուի հասանելիությունը հատուցման գումարներին։

Այցելելով Փնտրել նվիրաբերություններ էջը` կարող եք տեսնել Ձեր կողմից ԶԻՆԱՊԱՀԻՆ կատարված բոլոր նվիրատվությունները:

Հայփոստ ընկերությունն առաջարկում է աջակցել ԶԻՆԱՊԱՀԻՆ յուրօրինակ բացիկների շարքով։ Այցելելով Հայփոստի բացիկների էջ` կարող եք ընտրել Ձեզ դուր եկած բացիկը` նշելով այն գումարը, որը ցանկանում եք նվիրաբերել:

Հայկական բանկերի առցանց բանքինգ համակարգով նվիրատվություն կատարելու համար անհրաժեշտ է մուտք գործել Ձեր նախընտրած առցանց բանքինգ, գտնել Զինծառայողների Ապահովագրության Ազգային Հիմնադրամին նվիրաբերություն կատարելու վահանակը և իրականացնել փոխանցումը։

Idram-ից և TelCell Wallet-ից օգտվելիս գլխավոր էջում ընտրեք ԶԻՆԱՊԱՀԻ վահանակը և կատարեք նվիրատվություն։

EasyWallet-ով նվիրատվություն կատարելու համար գլխավոր էջի «Ծառայություններ» բաժնում անհրաժեշտ է սեղմել Բարեգործություն կոճակը և ընտրել ԶԻՆԱՊԱՀԻ վահանակը։

ԱՄՆ-ից հարկի նվազեցմամբ նվիրատվություն կարող եք կատարել Armenian Wounded Heroes հարթակի միջոցով: Սեղմելով donate to ZINAPAH կոճակը`կարող եք կատարել նվիրատվություն PayPal վճարման համակարգով:

Տեղեկացնում ենք, որ PayPal համակարգն ունի 2-3% միջնորդավճար`Ձեր քարտի տեսակով պայմանավորված։

Պարտադիր վճարների համար գործում է Կենտրոնական Գանձապետարանի 900005001186 «Դրոշմանիշային վճար» հաշվեհամարը

Նվիրատվությունների համար բանկային հաշիվներն են՝

ՀՀ դրամ՝ 103008660005

ԱՄՆ դոլար` 103008661011

ԵՎՐՈ` 103008661490

Ռուսական ռուբլի` 103008661581

Ծնոթանալ նվիրատվությունների եղանակներին

Այցելելով Նվիրաբերել էջ՝ ընտրեք նվիրատվության արտարժույթը և չափը կամ «այլ» դաշտում մուտքագրեք գումարի Ձեր նախընտրելի չափը: Համապատասխան դաշտերում Ձեր անունը, ազգանունը և էլեկտրոնային հասցեն մուտքագրելուց հետո համակարգը կտեղափոխի վճարման էջ, որտեղ անհրաժեշտ է լրացնել Ձեր վճարային քարտի տվյալները:

Կարող եք բաժանորդագրվել նաև պարբերակական նվիրատվությունների` ակտիվացնելով ամենամսյա նվիրատվություն կոճակը: Ձեր կողմից մուտքագրված էլեկտրոնային հասցեին կուղարկվի նամակ նվիրատվությունը ստացված լինելու մասին:

Նվիրատվություն կարող եք կատարել նաև Idram հավելվածի միջոցով: Նվիրաբերությունների էջում համապատասխան դաշտերում Ձեր անունը, ազգանունը և էլեկտրոնային հասցեն մուտքագրելուց հետո պետք է նշել Idram կոճակը, ապա ընտրել սկանավորման կամ հեռախոսով վճարելու տարբերակներից մեկը։

Ծանոթացեք նվիրատվություն եղանակներին

Յուրաքանչյուր անձ կարող է օժանդակել ԶԻՆԱՊԱՀ հիմնադրամին՝ կատարելով նվիրատվություն: 

Ծանոթացեք նվիրատվություն կատարելու եղանակներին։

Պարտադիր դրոշմանիշային վճարը Հայաստանում աշխատող յուրաքանչյուր անձի կողմից պետական բյուջե փոխանցվող պարտադիր վճարն է:

2021թ․ հունվարից պարտադիր դրոշմանիշային վճարի համար սամանվել է պրոգրեսիվ սանդղակ, որի համաձայն վարձու աշխատողները, անհատ ձեռներեցները վճարում են 1,500-15,000 ՀՀ դրամի  դրոշմանիշային վճար՝ պայմանավորված եկամուտի չափով:

Պարտադիր դրոշմանիշային վճարը գանձվում է զինծառայողների կյանքին և առողջությանը պատճառված վնասը հատուցելու նպատակով:

Դուք պարտավոր եք վճարել դրոշմանիշային վճար, եթե՝

• Աշխատանքային պայմանագրով աշխատում եք ՀՀ տարածքում կամ ՀՀ տարածքից դուրս և հադիսանում եք ՀՀ ռեզիդենտ ֆիզիկական անձ
• Աշխատանքային պայմանագրով աշխատում եք ՀՀ տարածքում, սակայն չեք հանդիսանում ՀՀ ռեզիդենտ ֆիզիկական անձ
• Հաշվառված եք ՀՀ-ում և ձեռնարկատիրական գործունեություն իրականացնող անհատ ձեռնարկատեր եք, ինչպես նաև հարկային գործակալի պարտավորությունից ազատված անձանցից եկամուտները ստացող անձ
• Իրականացնում եք նոտարական գործունեություն
• Աշխատանքների կատարման կամ ծառայությունների մատուցման քաղաքացիական իրավական պայմանագրերով եկամուտ եք ստանում ՀՀ տարածքում կամ ՀՀ տարածքից դուրս և հանդիսանում եք ՀՀ ռեզիդենտ ֆիզիկական անձ
• Աշխատանքների կատարման կամ ծառայությունների մատուցման քաղաքացիական իրավական պայմանագրերով ՀՀ աղբյուրներից եկամուտ եք ստանում, սակայն չեք հանդիսանում ՀՀ ռեզիդենտ ֆիզիկական անձ

Մանրամասների համար տես «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքը։

Դուք կարող եք պահանջել Ձեզ վերադարձնել նախորդ տարվա ընթացքում վճարված դրոշմանիշային վճարը, եթե. Ձեր ծնողը, ամուսինը և (կամ) զավակը.

• գտնվում են ժամկետային պարտադիր զինվորական ծառայության մեջ , կամ
• հանդիսանում է զոհված (մահացած) զինծառայող

Դրոշմանիշային վճարների վերադարձի հետ կապված հարցերով կարող եք կապ հաստատել զանգերի կենտրոնի հետ։ Դիմումների թերությունները լրացնելու համար կարող եք նաև կապ հաստատել հետևյալ հեռախոսահամարների Viber հավելվածով՝ 098/094 701 295։

Տեղեկացնում ենք, որ 2021թ.-ից սկսած կրկնակի վճարված դրոշմանիշային վճարներն ենթակա չեն վերադարձման՝ գործող օրենսդրության համաձայն:

Ոչ, դրոշմանիշային վճարը վճարելիս որեւէ հաշվետվություն չի պահանջվում:

Մեկից ավելի գործատուի մոտ աշխատող անձը դրոշմանիշային վճարներ է վճարում բոլոր գործատուների կողմից:

Անհատ ձեռնարկատերերի և նոտարների համար հաշվետու ժամանակաշրջան է համարվում օրացուցային տարին և ոչ ամիսը: Այն անհատ ձեռնարկատերերը, որոնք հաշվետու տարվա ընթացքում եկամուտներ չեն ստացել, չեն վճարում դրոշմանիշային վճար:

Երբ ԱՁ-ն չի կատարում օրենքով սահմանված ողջ պարտավորությունը, ապա օրենքի համաձայն՝ հարկային մարմինը որոշում է կայացնում դրոշմանիշային վճար վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում դրոշմանիշային վճար վճարողին (հարկային գործակալին): Մինչև գումարի գանձման վերաբերյալ որոշման անբողոքարկելի դառնալը պարտավոր անձի գույքի վրա հարկային մարմինը կարող է դնել արգելանք կամ կիրառել սահմանափակում՝ Հայաստանի Հանրապետության հարկային օրենսգրքով սահմանված դեպքերում և կարգով:

Նվազագույն ամսական աշխատավարձի մասին ՀՀ օրենքով սահմանված ամսական նվազագույն աշխատավարձը չգերազանցող աշխատավարձ ստացող անձինք դրոշմանիշային վճար չեն կատարում: Այդ անձանց փոխարեն վճարներ են կատարում նրանց գործատուները:

Նվազագույն ամսական աշխատավարձի մասին ՀՀ օրենքով սահմանված է նաև ժամավճարով աշխատող անձանց վճարման ենթակա մեկ ժամվա համար նվազագույն վարձատրության չափ: Եթե ժամավճարով աշխատող անձը մեկ ժամվա համար ստանում է այդ չափը գերազանցող գումար, ապա դրոշմանիշային վճարը վճարում է ինքնուրույն` անկախ ամսվա ընթացքում փաստացի ստացվող գումարի չափից: Հակառակ դեպքում դրոշմանիշային վճարը կատարում է գործատուն:

Այո, զինծառայողների ընտանիքների անդամները նույնպես պետք է վճարեն դրոշմանիշային վճար, սակայն կարող են դիմել վերադարձի համար օրենքով սահմանված կարգով:

Դրոշմանիշային վճարների վերադարձի դիմում ներկայացնելու համար այցելեք Դրոշմանիշային վճարների վերադարձի էջ