Հաճախ տրվող հարցեր
ԶԻՆԱՊԱՀ Զինծառայողների ապահովագրության ազգային հիմնադրամը ստեղծվել է 2017թ․ ապրիլյան քառօրյայից հետո հայրենիքի սահմանները պաշտպանելիս՝
- զոհված
- անհայտ բացակայող
- զինհաշմանդամության 1-ին և 2-րդ խմբի մարտիկներին ու նրանց ընտանիքի անդամների
կայուն և հավասար ապահովագրական հատուցումներ տրամադրելու նպատակով:
ԶԻՆԱՊԱՀԸ շահույթ չհետապնդող պետական գործառույթներով օժտված իրավաբանական անձ է, որի հիմնադիրը Հայաստանի Հանրապետության Կենտրոնական բանկն է։
ԶԻՆԱՊԱՀ Զինծառայողների ապահովագրության ազգային հիմնադրամի առաքելությունն է ապահովել՝ Հայրենիքի պաշտպանության սրբազան գործին իրենց կյանքն ու առողջությունը զոհաբերած զինվորների և նրանց ընտանիքների սոցիալական բարեկեցությունն ու ֆինանսական կայունությունը։
Թափանցիկություն
Արդարություն
Հաշվետվողականություն
ԶԻՆԱՊԱՀԻ հատուցման գումարի չափերը ներկայացված են ստորև․
*Գումարի ամբողջ չափից 10մլն. դրամը տրամադրվում է միանվագ, իսկ մնացածը՝ ամսական հավասար վճարներով՝ 20 տարվա ընթացքում` օրենքով իրավասու զինծառաղողներին և շահառուներին
** Գումարի ամբողջ չափից 5 մլն. դրամը տրամադրվում է միանվագ, իսկ մնացածը ամսական հավասար վճարներով՝ 20 տարվա ընթացքում՝ օրենքով իրավասու զինծառաղողներին և շահառուներին
ԶԻՆԱՊԱՀԻ միջոցով հատուցվում է՝
- Հայրենիքի պաշտպանության մարտական գործողություններին մասնակցելու կամ
- հակառակորդի հետ շփման գծում մարտական հերթապահության կամ
- հատուկ առաջադրանք կատարելու ժամանակ կամ
- հակառակորդի նախահարձակ գործողության հետևանքովզինծառայողների կյանքին կամ առողջությանը պատճառված վնասների դեպքում հետևյալ անձանց․
- զոհվածի դեպքում ընտանիքի անմիջական անդամներին /հայր, մայր, գրանցված կամ չգրանցված կին կամ ամուսին, երեխաներ/
- անհետ կորելու և օրենքով սահմանված կարգով անհայտ բացակայող ճանաչվելու դեպքում ընտանիքի անմիջական անդամներին /հայր, մայր, գրանցված կամ չգրանցված կին կամ ամուսին, երեխաներ/
1-ին և 2-րդ խմբի զինհաշմանդամություն ունեցող անձանց
Զինծառայողի զոհվելու (մահանալու) կամ անհայտ բացակայող ճանաչվելու դեպքում շահառու են համարվում ՝ զինծառայողի.
- ամուսինը
- զավակը/զավակները
- ծնողը/ծնողները
- հատուցման դեպքը տեղի ունենալու օրվա դրությամբ՝
- 18 տարին չլրացած կամ
- անգործունակ ճանաչված կամ
- մինչև 23 տարեկան առկա ցերեկային ուսուցմամբ սովորող ուսանող քույրը և եղբայրը, ինչպես նաև
- զինծառայողի խնամքի տակ գտնված 18 տարեկան և դրանից բարձր տարիքի հաշմանդամ քույրը և եղբայրը, եթե հաշմանդամ են ճանաչվել մինչև 18 տարին լրանալը: Ընդ որում, քույրը և եղբայրը համարվում են շահառու, եթե նրանց ծնողները կամ միակ ծնողը մահացած են կամ ունեն աշխատանքային գործունեությամբ զբաղվելու կարողության առնվազն երրորդ աստիճանի սահմանափակում.
5․ զինծառայողի հետ գրանցված ամուսնության մեջ չգտնվող և համատեղ զավակ ունեցող անձը: Զինծառայողից ամուսնալուծված, սակայն համատեղ զավակ ունեցող անձը չի համարվում շահառու:
Առաջին 5 կետերում նշված շահառուների բացակայության դեպքում շահառու են համարվում`
- հատուցման դեպքը տեղի ունենալու օրվա դրությամբ այն անձը, ով եղել է զինծառայողի խնամքի տակ և ունեցել է հաշմանդամություն կամ
- աշխատանքային կենսաթոշակի իրավունք.
- խնամել է զինծառայողին մինչև նրա 18 տարին լրանալը:
Վերոնշյալ բոլոր շահառուների բացակայության դեպքում շահառու են համարվում նաև զինծառայողի եղբայրը և քույրը, եթե տվյալ զինծառայողների մասով նախկինում որևէ այլ շահառու գումար չի ստացել:
ԶԻՆԱՊԱՀԸ հատուցման գումարները վճարում է, եթե դեպքը տեղի է ունեցել 2017 թվականի հունվարի 1-ից հետո։
Միաժամանակ, ԶԱՀ Հոգաբարձուների խորհրդի համապատասխան որոշումների համաձայն՝ հատուցման գումարներ են վճարվում նաև․
- 2015-2016թթ․
- 2008-2014 թթ․
տեղի ունեցած դեպքերով։
Ընդ որում, 2008-2016 թթ․ տեղի ունեցած դեպքերով հատուցման գումարները տրվում են ամսական հավասար վճարի և պետական բյուջեից վճարվող կենսաթոշակների ու պարգևավճարների տարբերության չափով։
Միանվագ տրվող գումարը այս դեպքում չի վճարվում։
Իրականում գործող կառուցակարգերն ունեն մեկ հիմնական նպատակ՝ բացառել տարբերությունները 2008-2016թթ․ տեղի ունեցած և 2017թ․ հունվարի 1-ից հետո տեղի ունեցած դեպքերով վճարվող ամսական գումարների (չափերի) միջև։
Նախ հարկ է նկատի ունենալ, որ եթե դեպքը տեղի է ունեցել 2017 թ․ հունվարի 1-ից հետո, ապա հաշմանդամություն ունեցող զինծառայողին կամ զոհված (անհայտ բացակայող ճանաչված) զինծառայողի ընտանիքի անդամին պետական բյուջեից համապատասխան կենսաթոշակներ ու պարգևավճարներ չեն վճարվում։
Իսկ եթե դեպքը տեղի է ունեցել 2008-2016թթ․, ապա հաշմանդամություն ունեցող զինծառայողին կամ զոհված (անհայտ բացակայող ճանաչված) զինծառայողի ընտանիքի անդամին պետական բյուջեից վճարվում են համապատասխան կենսաթոշակներ ու պարգևավճարներ։
2008-2016թթ․ տեղի ունեցած դեպքերով ամսական հավասար վճարի և պետական բյուջեից վճարվող կենսաթոշակների ու պարգևավճարների տարբերության չափով վճարումը նպատակ ունի ապահովել ԶԻՆԱՊԱՀԻ առաջնային սկզբունքներից մեկը՝ արդար ու ոչ խտրական ֆինանսական հատուցումների տրամադրումը բոլոր շահառուներին։
Հակառակ դեպքում, կունենանք մի իրավիճակ, երբ 2008-2016 թթ․ տեղի ունեցած դեպքերով հաշմանդամություն ունեցող զինծառայողին կամ զոհված (անհայտ բացակայող ճանաչված) զինծառայողի ընտանիքին տրվող ամսական գումարը կգերազանցի 2017թ․ հունվարի 1-ից հետո տեղի ունեցած դեպքերով տրվող ամսական հավասար վճարի չափը (քանի որ վերջինները չեն ստանում Պետական բյուջեից վճարվող կենսաթոշակներն ու պարգևավճարները)։
Հաշմանդամություն ունեցող զինծառայողը կամ զոհված (անհայտ բացակայող ճանաչված) զինծառայողի ընտանիքի անդամը, ԶԻՆԱՊԱՀԻ շահառու ճանաչվելու համար դիմում է այն համապատասխան պետական մարմնին, որտեղ զինծառայողը ծառայել է՝
- ՀՀ պաշտպանության և արտակարգ իրավիճակների նախարարություններ,
- ՀՀ ազգային անվտանգության ծառայություն կամ
- ՀՀ ոստիկանություն։
Համապատասխան պետական մարմինը մեկամսյա ժամկետում որոշում է տվյալ դեպքով շահառուների շրջանակը, վճարման ենթակա գումարները և համապատասխան փաստաթղթերը (տեղեկությունները) ներկայացնում է ԶԱՀ՝ վճարում կատարելու համար։
ԶԻՆԱՊԱՀԸ 3 աշխատանքային օրվա ընթացքում ուսումնասիրում է ներկայացված փաստաթղթերում (տեղեկություններում) թերությունների և (կամ) անճշտությունների առկայությունը, և․
- հայտնաբերելու դեպքում` այդ մասին տեղեկացնում է Համապատասխան պետական մարմնին շտկումներ կատարելու համար
- բացակայության դեպքում` գործընկեր բանկերում շահառուների անվամբ բացում է համապատասխան բանկային հատուկ հաշիվներ և միանվագ գումարը, ինչպես նաև ամսական հավասար առաջին վճարման գումարը փոխանցում է այդ հաշիվներին։