Հատուցումների տրամադրման կարգը

ԶԻՆԱՊԱՀԸ հատուցումներ է տրամադրում.

• 2017թ. հունվարի 1-ից հետո առողջությանը պատճառված վնասի արդյունքում յուրաքանչյուր զինծառայողի, որը ճանաչվել է ֆունկցիոնալության խորը կամ ծանր աստիճանի սահմանափակումով անձ (I կամ II խմբի զինհաշմանդամություն ունեցող):  

   

• 2017թ. հունվարի 1-ից հետո զոհված կամ անհայտ բացակայող ճանաչված յուրաքանչյուր զինծառայողի ընտանիքի անդամներին (այսուհետ՝ շահառուներին): Հատուցում ստանալու իրավունք ունեցող շահառուներիի ցանկը սահմանված է Օրենքի 2-րդ հոդվածով: 

• 2008թ. մինչև 2017թ. զոհված, անհայտ բացակայող ճանաչված զինծառայողների ընտանիքի անդամները և ֆունկցիոնալության խորը կամ ծանր աստիճանի սահմանափակում ունեցող (I կամ II խմբի հաշմանդամ) զինծառայողները օրենքով սահմանված միանվագ գումարները չեն ստանում։ ԶԻՆԱՊԱՀԸ վճարում է տվյալ անձանց իրավունքով նախատեսված գումարի և այդ անձանց պետության կողմից վճարվող պարգևավճարի և/կամ զինվորական կենսաթոշակի տարբերության չափով։

Հատուցում ստանալու համար ֆունկցիոնալության սահմանափակում ունեցող զինծառայողը կամ զոհված/անհայտ բացակայող ճանաչված զինծառայողի ընտանիքի անդամ/ները (այսուհետ՝ շահառուն) այն պետական մարմնին, որտեղ զինծառայողը նախկինում ծառայել է, պետք է ներկայացնեն.

ֆունկցիոնալության խորը կամ ծանր աստիճանի սահմանափակման դեպքում 

• Դիմում
• Զինծառայողին հաշմանդամություն ունեցող անձ ճանաչելու մասին բժշկասոցիալական փորձաքննություն իրականացնող իրավասու պետական մարմնի կամ ֆունկցիոնալությունը գնահատող հանձնաժողովի որոշումը (վարչական ակտը) ու ստացած վնասվածքի կամ խեղման պատճառական կապի մասին համապատասխան պետական մարմնի կենտրոնական ռազմաբժշկական հանձնաժողովի որոշումը (եզրակացությունը) 
• Անձնագիրը
• Հանրային ծառայության համարանիշը կամ հանրային ծառայության համարանիշ չստանալու վերաբերյալ տեղեկանք
• Բնակության հաշվառման վայրի վերաբերյալ տեղեկանք`տրված բնակչության պետական ռեգիստրի համապատասխան ստորաբաժանման կողմից

Զոհված/անհայտ բացակայող ճանաչված զինծառայողի դեպքում

• Դիմում
• Մարտական գործողությունների ավարտից հետո 5 տարվա ընթացքում մահացած զինծառայողի մահվան պատճառական կապի մասին բժշկասոցիալական փորձաքննություն իրականացնող իրավասու պետական մարմնի տված տեղեկանքը` մարտական գործողությունների ժամանակ ստացած վնասվածքի կամ խեղման պատճառով զինծառայողի մահացած լինելու վերաբերյալ կամ օրենքով սահմանված կարգով զինծառայողին անհայտ բացակայող ճանաչվելու վերաբերյալ դատական ակտը
• Շահառու հանդիսացող անձանց անձնագրերը
• Շահառու հանդիսացող անձանց հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը
• Շահառու հանդիսացող անձանց բնակության հաշվառման վայրի վերաբերյալ տեղեկանք` տրված բնակչության պետական ռեգիստրի համապատասխան ստորաբաժանման կողմից
• Եթե շահառու է զինծառայողի կինը, ապա վերջիններիս ամուսնության վկայականը
• Եթե շահառու է/են (նաև) զինծառայողի երեխաները, ապա վերջիններիս ծննդյան վկայականները
• Եթե երեխաների ծնողները ամուսնացած չեն, սակայն ճանաչված է երեխաների հայրությունը, ապա պետք է ներկայացնել նաև երեխաների հայրության ճանաչման մասին վկայականները
• Եթե շահառու է/են զինծառայողի՝ 18 տարին չլրացած քույրը կամ եղբայրը՝ վերջինիս ծննդյան վկայականը
• Եթե շահառու է/են զինծառայողի՝ անգործունակ ճանաչված քույրը կամ եղբայրը՝ անգործունակ ճանաչելու մասին դատական ակտը
• Եթե շահառու է/ են զինծառայողի՝ մինչև 23 տարեկան առկա ցերեկային ուսուցմամբ սովորող ուսանող քույրը և եղբայրը՝ ուսումնառության վերաբերյալ տեղեկանը`տրված ուսումնական հաստատության կողմից
• Եթե շահառու է/են զինծառայողի՝ ֆունկցիոնալության սահմանափակմամբ քույրը և եղբայրը՝ ֆունկցիոնալության սահմանափակման  մասին տեղեկանքը՝ տրված բժշկասոցիալական փորձաքննություն իրականացնող իրավասու պետական մարմնի կողմից 
• Ամսական լրացուցիչ գումար ստանալու իրավունք ունենալու դեպքում նաև լրացուցիչ գումարը ստանալու համար պահանջվող փաստաթղթերը

Հատուցման չափ