Ծնվել է 

1977 թվականի օգոստոսի 30-ին Շիրակի մարզի Գյումրի քաղաքում։

Ոգեշնչվում էր 

Մայր Հայրենիքով, ազգային արժեքներով ու հարազատներով, իսկ ազատ պահերը ջերմությամբ անցկացնում էր ընկերների հետ։

Սիրում էր ստեղծագործել․ 

Թղթին էր հանձնում իր հոգու խորունկ մտքերը, սակայն գրվածքները համեստորեն պահում էր ծալված։

Շրջապատում հայտնի էր 

Որպես բացառիկ բարի, խելացի, բանիմաց ու արժանապատիվ անձնավորություն, ով վայելում էր բոլորի խորին հարգանքը։

Յուրահատուկ էր 

Իր արտակարգ մարդասիրությամբ, հոգատարությամբ, փոքրիկների հանդեպ տածած ջերմությամբ ու մեծերի հանդեպ ունեցած խոնարհումով։

Պայծառ երազանքներ ուներ 

Երազում էր տեսնել Մայր Հայրենիքը անսասան խաղաղության մեջ, որտեղ յուրաքանչյուրը կապրի ապահով ու արժանապատիվ։

Վերջին զանգը 

Հիվանդանոցից էր, որտեղ անգամ ծանր վիրավոր վիճակում տոկունությամբ ու անսպառ ջերմությամբ զրուցում էր մտերիմների հետ։

Վերջին մարտը 

2020 թվականի սեպտեմբերի 30, Ջրական (Ջաբրայիլ)։ Որպես դասակի հրամանատար անվախորեն առաջնորդել է զինակիցներին և ստացել ծանր բեկորային վիրավորում։ Երկար պայքարելով վիրավորման դեմ՝ 2023 թվականի հունվարի 3-ին քաջաբար անմահացավ։