Նորություններ

Հիմնադրամի ակտիվների և պարտավորությունների կառավարման հանձնաժողովը 2019 թվականի  մարտի 26-ին կայացած նիստում որոշում է կայացրել սահմանված կարգով կատարել հատուցումներ 2015-2016թթ. տեղի ունեցած 5 դեպքի մասով՝ չորս զոհված զինծառայողների ընտանիքների և մեկ 1-ին խմբի հաշմանդամություն ունեցող զինծառայողի:

Շարքային Արսեն Աբրեստի Կարապետյանի, Նարեկ Վլադիկի Ասատրյանի և Սարգիս Արմենակի Սահակյանի ընտանիքներին միանվագ փոխանցվել է 1 190 000-ական ՀՀ դրամ և 20 տարվա ընթացքում կփոխանցվի ամսական 170 000 ՀՀ դրամ, իսկ Հայկ Կառլենի Թևոյանին միանվագ փոխանցվել է 700 000 ՀՀ դրամ և օրենքով սահմանված կարգով մինչև ավագ երեխայի չափահաս դառնալը կտրամադրվի ամսական 100 000 ՀՀ դրամ, ինչպես նաև 1-ին խմբի հաշմանդամություն ունեցող սերժանտ Հայկ Բենիամինի Սեխլիյանին միանվագ հատուցվել է 1 750 000 ՀՀ դրամ և 20 տարվա ընթացքում կտրամադրվի ամսական 250 000 ՀՀ դրամ:

Համաձայն «Հայբիզնեսբանկ» ՓԲԸ-ի հետ կնքված պայմանագրերի՝ գումարները կփոխանցվեն շահառուների համար բացված հատուկ բանկային հաշիվներին, որոնք սպասարկվում են անվճար:

Հիմնադրամի ակտիվների և պարտավորությունների կառավարման հանձնաժողովը 2019 թվականի փետրվարի 28-ին և 2019թ.-ի մարտի 12-ին կայացած նիստերում որոշում է կայացրել սահմանված կարգով կատարել հատուցումներ մեկ զոհված զինծառայողի ընտանիքին և մեկ 2-րդ խմբի հաշմանդամանդամություն ունեցող զինծառայողի:

 Կապիտան Շիրազ Կամոյի Սահակյանին և կապիտան Վազգեն Գագիկի Խաչատրյանի ընտանիքին կփոխանցվի միանվագ 10-ական միլիոն ՀՀ դրամ և 20 տարվա ընթացքում ամսական  200 000 ՀՀ դրամ, ինչպես նաև  2-րդ խմբի հաշմանդամություն ունեցող Կապիտան Շիրազ Կամոյի Սահակյանին կփոխանցվի միանվագ 5 միլիոն ՀՀ դրամ և 20 տարվա ընթացքում կտրամադրվի ամսական 200 000 ՀՀ դրամ:

Հիմնադրամի ակտիվների և պարտավորությունների կառավարման հանձնաժողովը 21.02.2019թ. որոշում է կայացրել սահմանված կարգով կատարել հատուցումներ 2 զոհված զինծառայողների ընտանիքներին:

Այսօր պայմանագրային զինծառայող, սերժանտ Հայկ Սամվելի Քարամյանի և պայմանագրային զինծառայող, շարքային Հովհաննես Գրիշայի Մելքոնյանի ընտանիքներին կփոխանցվի միանվագ 10-ական միլիոն ՀՀ դրամ և 20 տարվա ընթացքում կտրամադրվի ամսական 250 000 ՀՀ դրամ:

Համաձայն «Կոնվերսբանկ» ՓԲԸ-ի հետ կնքված պայմանագրի՝ գումարները կփոխանցվեն շահառուների համար բացված հատուկ բանկային հաշիվներին, որոնք սպասարկվում են անվճար:

Հիմնադրամի ակտիվների և պարտավորությունների կառավարման հանձնաժողովը 2019 թվականի հունվարի 10-ին և 2019թ.-ի փետրվարի 15-ին կայացած նիստերում կայացրեց որոշում սահմանված կարգով կատարել հատուցումներ 2015-2016թթ.-ին տեղի ունեցած թվով 5 դեպքի մասով՝ զոհված զինծառայողների ընտանիքի անդամներին:

Հիշեցնենք, որ Հիմնադրամը զինծառայողներին և նրանց ընտանիքներին կտրամադրի ամսական հատուցումներ՝ 20 տարվա կտրվածքով, որոնց չափը կկազմի Հիմնադրամի կողմից օրենքով սահմանված վճարվող ամսական հատուցումների և զինծառայողներին արդեն իսկ վճարվող պետական կենսաթոշակային ապահովության շրջանակներում վճարվող ընդհանուր գումարի դրական տարբերությունը:

Հիմնադրամի ակտիվների և պարտավորությունների կառավարման հանձնաժողովը 2018 թվականի դեկտեմբերի 21-ին և 2019թ.-ի հունվարի 10-ին կայացած նիստերում կայացրեց որոշում սահմանված կարգով կատարել հատուցումներ 2015-2016թթ.-ին տեղի ունեցած թվով 19 դեպքի մասով՝ զոհված զինծառայողների ընտանիքի անդամներին:

Հիշեցնենք, որ Հիմնադրամը զինծառայողներին և նրանց ընտանիքներին կտրամադրի ամսական հատուցումներ՝ 20 տարվա կտրվածքով, որոնց չափը կկազմի Հիմնադրամի կողմից օրենքով սահմանված վճարվող ամսական հատուցումների և զինծառայողներին արդեն իսկ վճարվող պետական կենսաթոշակային ապահովության շրջանակներում վճարվող ընդհանուր գումարի դրական տարբերությունը:

Հիմնադրամի հոգաբարձուների խորհուրդը սույն թվականի դեկտեմբերի 13-ին որոշում է կայացրել  2015-2016թթ.-ին տեղի ունեցած դեպքերի մասով տրամադրվող հատուցման գումարից չմասհանել այն պարգևավճարները, որոնք տրամադրվում են առաջին կամ երկրորդ աստիճանի «Մարտական խաչ» շքանշանով պարգևատրված զինծառայողներին կամ զինծառայողների ընտանիքի անդամներին:

Հիմնադրամին վճարած դրոշմանիշային վճարների կամ դրանց մի մասի վերադարձման համար կարող եք դիմել.

1. Եթե Դուք մեկից ավելի հիմքով վճարել եք դրոշմանիշային վճար

(նախորդ տարում 12000 դրամից ավել վճարված գումարը)

1. Եթե Դուք ժամկետային պարտադիր զինվորական ծառայության մեջ գտնվող զինծառայողի ծնող կամ ամուսին եք

(նախորդ տարվա ընթացքում վճարված ամբողջ գումարը)

1. Եթե Դուք զոհված (մահացած) զինծառայողի ծնող, ամուսին կամ զավակ եք

(նախորդ տարվա ընթացքում վճարված ամբողջ գումարը)

Դիմումը և փաստաթղթերը Հիմնադրամ պետք է ներկայացվեն սկսած հունվար ամսից մինչև փետրվարի 28-ը:

Եթե Դուք հանդիսանում եք անհատ ձեռնարկատեր կամ նոտար կարող եք դիմումը և փաստաթղթերը ներկայացնել մինչև ապրիլի 30-ը: 

Դիմումները և փաստաթղթերը պատշաճ կերպ ներկայացնելու պարագայում տասնհինգօրյա ժամկետում Ձեր նշած բանկային հաշվին կփոխանցվի պահանջված դրոշմանիշային վճարը:

Հիմնադրամի ակտիվների և պարտավորությունների կառավարման հանձնաժողովը 05.12.2018թ. որոշում է կայացրել սահմանված կարգով կատարել հատուցումներ մեկ զինծառայողի ընտանիքի:

Պարտադիր ժամկետային զինծառայող Արցախ Մհերի Հովսեփյանի ընտանիքն կփոխանցվի միանվագ 10 միլիոն ՀՀ ինչպես նաև 20 տարվա ընթացքում կտրամադրվի ամսական 200 000 ՀՀ դրամ:

«Զինծառայողների ապահովագրության» հիմնադրամը հիշեցնում է, որ 2018թ.-ի ընթացքում վճարված դրոշմանիշային վճարների վերադարձման համար դիմելու ժամկետը 2019թ.-ի առաջին երկու ամիսներն են:

Դիմումը և փաստաթղթերը Հիմնադրամ պետք է ներկայացվեն հունվարի 1-ից սկած մինչև փետրվարի 28-ը:  Եթե Դուք հանդիսանում եք անհատ ձեռնարկատեր կամ նոտար կարող եք դիմումը և փաստաթղթերը ներկայացնել մինչև ապրիլի 30-ը ներառյալ: