Ծնվել է
2000 թ․ դեկտեմբերի 12-ին Գեղարքունիքի մարզի Սարուխան գյուղում։

Հայրենասիրությունը որպես ուղեցույց
Նա ծնվել էր հայրենիքին ծառայելու համար։ Բոլորից առաջ մտածում էր հողի, մարդկանց ու սահմանների մասին։

Սրտի ու ժամանակի մարդը
Ուներ սիրած էակ, ում հանդեպ ջերմ զգացմունքներ ուներ։

Ինչպիսին էր նա
Բարության մարմնացում էր՝ ընկերասեր, բարեկամասեր, իր խոսքի տերը։ Խոսքը միշտ գործ էր դառնում։

Երազանքներ, որ լռեցին
Մտածում էր մատուռ կառուցելու մասին։ Ցանկանում էր գյուղում ցայտաղբյուրներ սարքել՝ մաքուր ջրով, որ բոլորը կարողանան օգտվել։

Ինքնատիպության ուժը
Չուներ վարորդական իրավունք, բայց վերցնում էր Ուրալը՝ հավաքում ուտելիք, ծածկոց, ամեն ինչ, որպեսզի հասցնի զինվորներին։

Վերջին զանգը
«Հիմա նենց տեղ եմ եկել, որ չեմ կարող խոսամ։ Եթե հարմար լինի, կզանգեմ։ Ամեն ինչ լա՛վ ա…»։

Վերջին մարտը
2020 թ․ հոկտեմբերի 31-ին, Մարտակերտում։ Իր ասածով էր գործում, առաջ գնում։ Սերժանտներից առաջ էր կանգնում՝ միայն թե օգնի, փրկի, հասնի։