Ծնվել է
2000 թ․ նոյեմբերի 27-ին Արագածոտնի մարզի Թալինի շրջանի Ներքին Բազմաբերդ գյուղում։

Նրան ոգեշնչում էր կամ ուրախացնում
Սպորտով՝ հատկապես ֆուտբոլով զբաղվելը։ ՀԱՊՀ-ում կրթություն ստանալը։

Ժամանակը սիրում էր անցկացնել
Ընկերների հետ։ Ամռանն անում էր ցանկացած գյուղական գործ։

Նրա մասին ընկերների ու հարազատների կարծիքը
Նվիրված էր շատ։ Վերջին դրամը կտար, եթե պետք լիներ։ Խղճով, շատ բարի, հարմարվող։

Երազանքները
Նպատակ ուներ բարձրագույն կրթություն ստանալ, ապահովել իր երկու փոքր քույրերին ամեն ինչով։

Կարևոր փաստեր կամ սովորություններ
Պարապել էր ինքնուրույն և իր ուժերով կարողացել վաստակել անվճար սովորելու իրավունք։

Վերջին խոսքերը
5 րոպե երևի խոսեց, ասաց․ «Մա՛մ, դու քեզ լա՛վ նայի»։

Վերջին հերոսական մարտը
2020 թ․ հոկտեմբերի 17-ին։ Հոկտեմբերի 9-ին եղբորն է տեսել, միասին լուսանկարվել են։ Հրաժարվել է իր ծառայակիցներին թողնել, գնալ։ Կարողացել է գտնել իր ջոկատից կորած մի զինվորի՝ կապ տալով։