Մենք փնտրում ենք հատուցումների համակարգողի

Անհրաժեշտ է կատարել այնպիսի աշխատանքներ, ինչպիսիք են՝ համապատասխան մարմիններից ստացված՝ շահառուների տվյալների, նրանց փաստաթղթերի, տեղեկատվության ամբողջականության և հավաստիության ստուգում, դրանցում առկա թերությունների կամ անճշտությունների մասին համապատասխան մարմնին տեղեկացում, ստուգված տվյալների մուտքագրում համակարգ։

Աշխատանքային պարտականություններ 

• Ապահովել ուժային կառույցների կողմից հատուցումների դեպքերի վերաբերյալ մուտքագրված տվյալների հաստատումը՝ գնահատելով դրանց ամբողջականությունն ու հավաստիությունը, դրանցում առկա թերությունների կամ անճշտությունների մասին տեղեկացնել անմիջական ղեկավարին;
• գնահատել հատուցման դեպքի փոփոխությունների վերաբերյալ փաստաթղթերի, տեղեկությունների ամբողջականությունը և հավաստիությունը, դրանցում առկա թերությունների կամ անճշտությունների մասին տեղեկացնել անմիջական ղեկավարին;
• ապահովել հատուցման դեպքով տեղի ունեցած փոփոխությունների վարչական ակտերի մուտքագրումը և հաստատումը հատուցումների համակարգում;
• համակարգել և ապահովել զինծառայողին կամ նրա ընտանիքի անդամին նախապես ամսական գումար վճարելու, հատուցման գումարը վճարելը դադարեցնելու և շահառուներին վճարման ենթակա հատուցման գումարի չափը օրենքով նախատեսված դեպքերում և կարգով վերահաշվարկելու աշխատանքների ճշգրտությունը;
• ապահովել շահառուների կամ քաղաքացիների կողմից հատուցման գործընթացի և/կամ հատուցման գումարների վերաբերյալ հիմնադրամին ուղղված հարցումների ճշգրիտ և ժամանակին արձագանքումը;
• կազմել և ներկայացնել հաշվետվություններ անմիջական ղեկավարին;
• կազմել վճարման նախնական ցուցակները՝ բանկին ներկայացնելու համար, համաձայն սահմանված ձևաչափի և վերահսկել, որ գումարները վճարված են ժամանակին;
• իրականացնել շահառուների հաշվառման աշխատանքները;
• հատուցումնների գծով տնօրենի հանձնարարությամբ կատարել հատուցման գործընթացն ապահովող այլ աշխատանքներ;
• պահպանել կազմակերպության ներքին կարգապահական կանոնները և սահմանված նորմերը։

 Անհրաժեշտ հմտություններ 

• Բարձրագույն կրթություն իրավագիտություն, տնտեսագիտություն, սոցիալական աշխատանք, կառավարում, հանրային կառավարում, ֆինանսներ, հաշվապահություն մասնագիտությունների գծով;
• աշխատանքային պարտականությունների կատարման համար անհրաժեշտ գիտելիքներ և հմտություններ, այդ թվում՝ թիմային աշխատանքի համար անհրաժեշտ ունակություններ և կարողություններ;
• տիրապետել «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքին, Կառավարության 2017 թվականի փետրվարի 2-ի թիվ 86-Ն որոշմանը, ինչպես նաև հիմնադրամի գործառույթներին առնչվող այլ իրավական ակտերին (այդ թվում՝ Քաղաքացիական և Ընտանեկան օրենսգրքերի համապատասխան գլուխների ու հոդվածների) դրույթների պահանջներին;
• խնդիրների լուծման և որոշումներ կայացնելու խորը զարգացած հմտություններ;
• զգոնություն և ուշադրության կենտրոնացում;
• խնդիրները վերլուծելու ունակություն;
• սթրեսային և լարված իրավիճակներում աշխատելու կարողություն: 

Պահանջվող թեկնածուի մակարդակը: Չսահմանված

Լրացուցիչ տեղեկություն