2008-2016թթ.-ի ընթացքում տեղի ունեցած դեպքերի մասով հատուցումների վերաբերյալ տեղեկատվական թերթիկ

«Զինծառայողների ապահովագրության» հիմնադրամը հատուցումներ է տրամադրում 2017թ.-ից հետո տեղի ունեցած դեպքերի մասով, որոնց վերաբերյալ կարգավորումները սահմանված են Օրենքով (տե՛ս Իրավական ակտեր, հղում 1):

2008-2016թթ.-ին տեղի ունեցած դեպքերի մասով Հիմնադրամի հոգաբարձուների խորհուրդը կայացրել է առանձին որոշումներ: Տվյալ հատուցումները համարվում են Հիմնադրամի կողմից Օրենքով սահմանված հատուցումներից բացառություններ, որոնց տրամադրման ընթացակարգն ու պայմանները կարգավորվում են համապատասխան որոշումներով (տե՛ս Իրավական ակտեր, հղում 3, 4): 

Ստորև կարող եք գտնել 2008-2016թթ.-ին տեղի ունեցած դեպքերի մասով Հիմնադրամին հաճախ տրվող հարցերի պատասխանները:

Ո՞ր դեպքերով կտրամադրվեն հատուցումներ

Օրենքի և Որոշումների համաձայն կտրամադրվեն հատուցումներ, եթե

1. Դեպքը տեղի է ունեցել 2008-2016թթ.-ի ընթացքում
2. Զինծառայողը զոհվել է կամ ձեռք է բերել առաջին կամ երկրորդ կարգի հաշմանդամություն
3. Դեպքը տեղի է ունեցել մարտական գործողություններին մասնակցելու կամ հակառակորդի հետ շփման գծում մարտական հերթապահության կամ հատուկ առաջադրանք կատարելու ժամանակ:

Արդյոք զինծառայողներին կամ վերջինիս ընտանիքի անդամներին կտրամադրվեն միանվագ հատուցումներ

Որոշումների համաձայն 2008-2016թթ.-ին տեղի ունեցած դեպքերի մասով չեն տրամադրվում միանվագ հատուցումներ:

Ինչպե՞ս է որոշվում հատուցումների տրամադրման ժամանակահատվածը

Հատուցումների ժամանակահատվածը սահմանված է Օրենքով և միասնական է բոլոր դեպքերի համար: Հատուցումները տրամադրվում են 20 տարվա կտրվածքով:

Ինչպե՞ս է որոշվում հատուցման չափը

Հատուցման չափը հավասար է Օրենքով սահմանված հատուցման գումարի և զինծառայողին կամ վերջինիս ընտանիքին տրամադրվող պետական կենսաթոշակի գումարի դրական տարբերությանը:

Օրենքով սահմանված հատուցումների չափերն ու դասակարգումները.

*Օրինակ, եթե զոհված սպայի ընտանիքը պետությունից ստանում է 60,000 ՀՀ դրամ, ապա Հիմնադրամից կստանա ամսական 240,000 ՀՀ դրամ (300,000 ՀՀ դրամ – 60,000 ՀՀ դրամ):

Արդյոք ընտանիքներին տրամադրվելու է լրացուցիչ գումար երեք կամ ավելի անչափահաս երեխաների առկայության դեպքում

Ընտանիքն այս դեպքում կստանա ի հավելումն 100,000 ՀՀ դրամ ամսական հատուցում, որը կշարունակի տրամադրվել մինչև ավագ երեխայի 18 տարին լրանալը:

Ուշադրություն. 100 000 դրամ լրացուցիչ գումարը տրամադրվում է ամբողջությամբ, անկախ զինծառայողներին և նրանց ընտանիքի անդամներին վճարվող պետական կենսաթոշակի ընդհանուր գումարի չափից:

*Օրինակ, եթե զոհված սպայի ընտանիքը ստանում է 400,000 ՀՀ դրամ պետական կենսաթոշակ և ընտանիքում առկա է 3 անչափահաս երեխա, ընտանիքը Հիմնադրամից միևնույն է կստանա ամսական 100,000 ՀՀ դրամ լրացուցիչ գումար:

Արդյոք «Մարտական խաչ» շքանշանի համար տրամադրվող պարգևավճարի գումարը դիտարկվում է որպես կենսաթոշակ և նվազեցվում Հիմնադրամի կողմից տրամադրվող հատուցման գումարից

«Մարտական խաչ» շքանշանի համար տրամադրվող պարգևավճարը չի հաշվարկվում պետական կենսաթոշակի գումարի մեջ և չի մասհանվում Հիմնադրամի կողմից տրամադրվող հատուցման գումարից:

*Օրինակ, եթե զոհված սպայի ընտանիքը ստանում է 200,000 դրամ պետական կենսաթոշակ, որից 100,000 ՀՀ դրամը «Մարտական խաչ» պարգևավճարն է, ապա հասանելիք 300,000 ՀՀ դրամից կնվազեցվի միայն 100,000 ՀՀ դրամը:

Ե՞րբ են սկսվելու կատարվել հատուցումները

Պաշտպանության նախարարությունից տրամադրվող հատուցման դեպքերի մասին փաթեթները ստանալուց հետո երեք աշխատանքային օրվա ընթացքում Հիմնադրամի ակտիվների և պարտավորությունների հանձնաժողովը կկայացվի որոշում հատուցումները տրամադրելու մասին: Շահառուների համար Հիմնադրամի գործընկեր բանկերից մեկում կբացվեն անվճար սպասարկվող բանկային հաշիվներ, որոնց վրա էլ կփոխանցվեն ամսական հատուցման գումարները:

Ուշադրություն. անկախ վճարումը փաստացի կատարելու ժամկետից՝ վճարումների հաշվարկման համար հիմք է ընդունվում 2019 թվականի ապրիլի 1-ը:

ԻՐԱՎԱԿԱՆ ԱԿՏԵՐ

1. «Պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» ՀՀ օրենք (հղումը՝ https://www.arlis.am/DocumentView.aspx?docid=118758 )
2. «Պաշտպանության ժամանակ զինծառայողների կյանքին կամ առողջությանը պատճառված վնասների մասին» ՀՀ օրենքի կիրարկումն ապահովելու մասին» ՀՀ կառավարության թիվ 86 որոշում (հղումը՝ https://www.arlis.am/DocumentView.aspx?docid=127400 )
3. «Զինծառայողների կյանքին կամ առողջությանը պատճառված վնասների հատուցման» հիմնադրամի կողմից 2015-2016թթ.ին տեղի ունեցած դեպքերի մասով հատուցումներ տրամադրելու մասին» որոշում (հղումը՝ https://www.1000plus.am/content/filemanager/2015-2016%20Voroshum.pdf )
4. «Զինծառայողների կյանքին կամ առողջությանը պատճառված վնասների հատուցման» հիմնադրամի կողմից 2004-2008թթ.ին տեղի ունեցած դեպքերի մասով հատուցումներ տրամադրելու մասին» որոշում (հղումը՝ https://www.1000plus.am/content/filemanager/11,10.%202008-2014%D5%A9%D5%A9.-%D5%AB%20%D5%A3%D5%AE%D5%B8%D5%BE%20%D5%B8%D6%80%D5%B8%D5%B7%D5%B8%D6%82%D5%B4.pdf )

ՈՒՂԵՑՈՒՅՑԸ ԿԱՐՈՂ ԵՔ ՆԵՐԲԵՌՆԵԼ ՍԵՂՄԵԼՈՎ ԱՅՍՏԵՂ: