Ծնվել է 

1997 թ․ հոկտեմբերի 12-ին Երևանում։

Ոգեշնչվում էր 

Մայր Հայրենիքով ու Արցախ աշխարհով․ ազատ ժամանակն անսահման ջերմությամբ անցկացնում էր բոլոր հարազատների ու ընկերների հետ։

Սիրում էր 

Անկեղծ նվիրումով սիրում էր իր սիրած էակին, ինչպես նաև բնությունն ու արարումը․ Ջերմուկում նրա անունով տնկվել է «Եղնիկի եդեմ» եղևնիների պուրակը։

Շրջապատում հայտնի էր 

Որպես բացառիկ բարի, անմնացորդ հայրենասեր, ազնիվ ու լուսավոր երիտասարդ, ով վայելում էր բոլորի անկեղծ սերն ու հարգանքը։

Յուրահատուկ էր 

Իր անսպառ էներգիայով, մշտապես առաջ ձգտելու, դժվարությունները հաղթահարելու ու բարձունքներ նվաճելու բնատուր կարողությամբ։

Պայծառ երազանքներ ուներ 

Երազում էր տեսնել իր հայրենիքը՝ Հայաստանն ու Արցախը, ծաղկուն, զարգացած, բարգավաճ ու անսասան խաղաղության մեջ։

Վերջին զանգն իր ծննդյան օրն էր․ 

«Իմ մոտ ամեն ինչ լավ է․․․»։

Վերջին մարտը 

2020 թ․ հոկտեմբերի 12, Ֆիզուլի։